Espainiako bahá’íek zeregin nagusi bat dugu helburu, Bahá ‘u’ lláren ikuspegia errealitatera ekartzen ikastea; hau da, mundu oparo, baketsu eta bateratu baten alde lan egitea. Ikasketa prozesu konplexua da hori, alde batetik, munduko herritar guztien parte-hartzea behar baitu, eta, bestetik, oraindik sortu ez den ezagutza praktikoa ere. Zientzia, erlijioa eta esperientzia dira bide horren gidariak, eta antzeko helburuak dituzten pertsona eta taldeekin elkarlanean aritzen saiatzen gara.
Ideal horiek errealitatean islatu nahi baditugu ezinbestekoak izango zaizkigu lan-ikuspegia, planak eta ekintza-ildo zehatzak. Espainian, plan orokor koherente baten baitan, hainbat lan-esparrutan ari gara lanean. Atal honetan, Espainiako Bahá’í erkidegoaren jarduera-esparru nagusiak azalduko ditugu, baita orain arte ikasten ari garena ere.
«Ekin sutsuki bizi zareten aroaren premiei, eta eztabaida ezazue haien eskakizun eta beharrizanen inguruan».
Bahá’u’lláh
«Eskain iezazkiozue zuen gogoa eta borondatea lurreko herri eta arrazen heziketari, baldinba eta Izen Handienaren indarrez, bere aurpegitik ezabatuak izan daitezen zatitzen dituzten desadostasunak, eta gizaki guztiak Ordena bakarraren sostengatzaile eta hiri bakarreko biztanle bihur daitezen».
Bahá’u’lláh
