Espainiako Bahá ‘í komunitateak jatorri kultural eta etniko askotako kideak ditu, mugaz barrukoak zein kanpokoak; aniztasun hori bere aberastasun artistiko eta linguistikoan islatzen da. Era berean, komunitatearen kultura aldatzen ari da etengabe, bahá’iok Bahá’ u ‘lláhren irakaspenak norberaren bizitzan zein elkarren artekoan aplikatzeko ahalegina egiten dugun heinean. Bahá’í erlijioari erreferentzia egiteko modu zuzena bahá’í fedea da, batzuetan bahaismoa deitzen zaion arren.
Gaur egun, Espainian, 5.000 bahá ‘í inguru bizi omen dira, inguruko lagunekin eta bizilagunekin batera, Bahá’ u ‘lláhren irakaspenak bere bizitza indibidual eta kolektiboetan martxan jartzen saiatzen direnak, inguruneak hobetzen laguntzeko.
Komunitateko jarduerak bertako fededunek antolatzen dituzte, tokian tokiko gizartearen jatorri kultural, etniko eta nazionalekoak, alegia. Hauexek dira jardueren helburu nagusia: haurren hezkuntza espirituala sustatzea; nerabe gazteen (12-15 urtetakoak) ahalmena askatzeko ahaleginak egitea, gizartea zerbitzatzeko eta nortasun sendoa gara ditzaten; auzoan bertan harremanetan dauden gazteei eta helduei zerbitzua emateko gaitasunak ahalduntzen eta garatzen laguntzea; eta otoitz eta gogoeta kolektiborako guneak antolatzea, komunitateen izaera debozionala indartzeko.
