Aprender a levar á realidade a visión de Bahá’u’lláh dun mundo próspero, pacífico e unificado é a meta principal coa que os bahá’ís de España está comprometidos. Este proceso é complexo, esixe a participación de tódolos pobos do mundo, requirindo unha cantidade de coñecemento práctico abraiante, aínda por xerar. A ciencia, a relixión e a experiencia son as fontes de guía deste carreiro que tentan percorrer en colaboración con persoas e grupos afíns.
Levar á realidade estes ideais tamén require dun enfoque de traballo, uns plans, unhas liñas de acción. En España estanse a impulsar diversos ámbitos de traballo que avanzan dentro dun plan global coherente. Nesta sección analizaranse as principais esferas de actividade da comunidade bahá’í de España así como algunha das aprendizaxes que se están a amorear.
»Preocupádevos con afouteza das necesidades da idade na que vivides, e centrade as vosas deliberacións nas súas esixencias e requirimentos».
Bahá’u’lláh
»Adicade a vosa mente e vontade á educación dos pobos e razas da terra, para que quizás sexan borradas da súa faciana as disensións que a dividen, pola forza do Nome Meirande, e tódolos seres humanos se converterán nos que terman dun Orde único e en habitantes dunha soa Cidade».
Bahá’u’lláh